റവ. ഫാ. ഡോ. പി. കെ ഗീവർഗീസ് (അംബി അച്ഛൻ)ചാറ്റനൂഗയിൽ നിര്യാതനായി.അറ്റലാന്റാ സെന്റ് തോമസ് ഓർത്തോഡോക്സ് ഇടവകയുടെ സ്ഥാപക വികാരിയും, ചാറ്റനൂഗ സെന്റ് പോൾസ് ഓർത്തോഡോക്സ് ഇടവകയുടെ സഹായ വൈദീകനുമായിരുന്ന റവ. ഫാ. ഡോ. പി. കെ ഗീവർഗീസ് (അംബി അച്ഛൻ)ചാറ്റനൂഗയിൽ നിര്യാതനായി. മാവേലിക്കര പുളിമൂട് പുത്തൻപീടികയിൽ പരേതരായ കോശിയുടെയും അന്നമ്മയുടെയും മകനായി ജനനം. നിരണം ഭദ്രാസന മെത്രാപോലീത്തയായിരുന്ന ഭാഗ്യ സ്മരണാർഹനായ അഭിവന്ദ്യ ഡോ.ഗീവർഗീസ് മാർ ഒസ്ത്താത്തിയോസ്‌ മെത്രാപ്പോലീത്തയുടെ സഹോദരന്റെ മകൾ മാവേലിക്കര മുണ്ടുവേലിൽ പുത്തൻ വീട്ടിൽ ഗ്രേസ് ഗീവർഗീസ് ആണ് സഹധർമ്മിണി.മക്കൾ:ഡോ.സുനിൽ ഗീവർഗീസ് (നാഷ്‌വിൽ)സാലിൻ ഗീവർഗീസ് (ബാൾട്ടിമോർ)ഡോ.സജിന ഗീവർഗീസ് (റോച്ചസ്റ്റർ)മരുമക്കൾഡോ.ലിബി സുനിൽ (നാഷ്‌വിൽ)ഡോ.ആശാ സാലിൻ (ബാൾട്ടിമോർ)ഡോ.സാബു (റോച്ചസ്റ്റർ)കൊച്ചുമക്കൾസഞ്ജലി, സഞ്ജിത്, സജന, സുജിതപരേതനായ പി.കെ മത്തായി, പി. കെ തങ്കച്ചൻ(മാവേലിക്കര) കുഞ്ഞുമോൾ (ചിക്കാഗോ) എന്നിവർ സഹോദരങ്ങളാണ്.അമേരിക്കയിലേക്ക് കുടിയേറിയ ഫാ. ഗീവർഗീസ് യൂണിവേഴ്സിറ്റി ഓഫ് ചാറ്റനൂഗയിലെ ആന്ത്രോപ്പോളജി വിഭാഗം പ്രൊഫസറായിരുന്നു. 1997 -ൽ മാസത്തിൽ രണ്ടു ഞായറാഴ്ചകളിൽ ചാറ്റനൂഗയിൽ നിന്നും ഡ്രൈവ് ചെയ്തുവന്ന് അറ്റലാന്റായിലുള്ള മലങ്കര ഓർത്തോഡോക്സ് സഭയുടെ വിശ്വാസികളെ സംഘടിപ്പിച്ചുകൊണ്ട് വിശുദ്ധ കുർബാന ആരംഭിക്കുകയും കേവലം എട്ടു ഓർത്തോഡോക്സ് അംഗങ്ങളെ ഉൾപ്പെടുത്തി സെന്റ് തോമസ് ഓർത്തഡോൿസ് ചർച്ച് ഓഫ് അറ്റലാന്റാ എന്ന പേരിൽ ഇൻകോർപറേഷൻ രജിസ്റ്റർ ചെയ്തുകൊണ്ട് 1998-സെപ്റ്റംബറിൽ ക്ളാർക്സ്റ്റൻ സ്മിത്ത് സ്ട്രീറ്റിലുള്ളദേവാലയം സ്വന്തമാക്കുകയും, അറ്റലാന്റയിലെ പ്രഥമ ഓർത്തോഡോക്സ് ദേവാലയമായ സെന്റ്തോമസ് ഓർത്തോഡോക്സ് ഇടവക സ്ഥാപിക്കുകയും രണ്ടുവർഷത്തോളം ഇടവക വികാരിയായി സേവനം അനുഷ്ഠിക്കുകയുംചെയ്തു.സംസ്ക്കാര ശുശ്രൂഷകൾ ടെന്നസിയിലെ ചാറ്റനൂഗയിൽ നടക്കുംഅമേരിക്കൻ ഭദ്രാസനത്തിനും പ്രത്യേകിച്ച് സൗത്ത് വെസ്റ്റ് അമേരിക്കൻ ഭദ്രാസനത്തിനും അറ്റലാന്റാ സെന്റ് തോമസ് ഓർത്തഡോക്സ് ദേവാലയത്തിനുംബഹു.ഗീവർഗീസ് അച്ഛൻ നൽകിയ ശുശ്രൂഷകൾ കൃതജ്ഞതയൊടെ സ്മരിക്കുന്നതായും ബഹു.അച്ഛന്റെ വേർപാടിൽ ദുഃഖിക്കുന്ന കുടുംബാഗങ്ങളുടെവേദനയിൽ പങ്കുചേരുന്നതായുംസൗത്ത് വെസ്റ്റ് അമേരിക്കൻ ഭദ്രാസന സഹായമെത്രാപോലീത്ത അഭി.ഡോ. സഖറിയാസ് മാർ അപ്രേം മെത്രാപോലീത്ത തന്റെ അനുശോചന സന്ദേശത്തിൽ അനുസ്മരിച്ചു.
Related posts
-
ഓർമ്മപ്പെരുനാൾ
പുതുപ്പള്ളി പള്ളി വെച്ചുട്ടിനുള്ള നാളികേര ചമ്മന്തി പൊടി തയ്യാറാക്കുന്നു. വി.ഗീവർഗീസ് സഹദയുടെ ഓർമ്മ പെരുന്നാൾഇന്നും നാളെയും (ശനി, ഞായർ)മേയ് 4,5ന് കുന്നംകുളം... -
Spiritual Organization News
സെന്റ് ഗബ്രിയേൽ സൂബോറോ ഓർത്തഡോക്സ് വലിയപള്ളി യുവജന പ്രസ്ഥാനം, നല്ലില, കൊല്ലം മെത്രാസനം നല്ലില വലിയപള്ളി യുവജന പ്രസ്ഥാനത്തിന്റെ പ്ലാറ്റിനം ജൂബിലിയോട്അനുബന്ധിച്ചു... -
ഡോക്ടറേറ്റ് നേടി
മെക്കാനിക്കൽ എൻജിനീയറിങ്ങിൽ (കോയമ്പത്തൂർ കാരുണ്യ യൂണിവേഴ്സിറ്റി) ഡോ. അജു ജോ ശങ്കരത്തിൽ ഡോക്ടറേറ്റ് കരസ്ഥമാക്കി.കോട്ടയം പാത്താമുട്ടം സെന്റഗിറ്റ്സ് കോളേജ് ഓഫ് എൻജിനീയറിങ്ങിൽ...