പെസഹ പെരുന്നാൾ ആചരിച്ചു

ബറോഡ (ഗുജറാത്ത് ) മാർ ഗ്രീഗോറിയോസ് ഓർത്തഡോക്സ് വലിയപള്ളിയിൽപെസഹാ ശുശ്രൂഷകൾക്ക്പരി.ബസ്സേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യകാർമ്മികത്വം വഹിച്ചു. കുവൈറ്റ്‌ : കുരിശുമരണത്തിനു മുന്നോടിയായുള്ള ക്രിസ്തുവിന്റെ തിരു അത്താഴത്തിന്റെ ദിവ്യസ്മരണ പുതുക്കി, സെന്റ്‌ ഗ്രീഗോറിയോസ്‌ ഓർത്തഡോക്സ്‌ മഹാ ഇടവക പെസഹാ പെരുന്നാൾ ആചരിച്ചു. മാർച്ച്‌ 27-നു വൈകിട്ട് കുവൈറ്റ്‌ മഹാ ഇടവകയുടെ ദേവാലയങ്ങളിൽ നടന്ന ശുശ്രൂഷകൾക്ക്‌ മലങ്കരസഭയുടെ അങ്കമാലി ഭദ്രാസനാധിപൻ അഭിവന്ദ്യ യുഹാനോൻ മാർ പോളികാർപ്പസ്‌ മെത്രാപ്പോലിത്താ, ഇടവക വികാരി ഫാ. ഡോ. ബിജു ജോർജ്ജ്‌ പാറയ്ക്കൽ, സഹവികാരി ഫാ. ലിജു കെ. പൊന്നച്ചൻ, ഫാ. ഗീവർഗീസ്‌ ജോൺ, ഫാ. റിനിൽ പീറ്റർ എന്നിവർ നേതൃത്വം നൽകി. പെസഹായുടെ ഭാഗമായി ഇടവകാംഗങ്ങളുടെ ഭവനങ്ങളിൽ തയ്യാറാക്കിയ പെസഹ അപ്പം നേർച്ചയായി വിതരണം ചെയ്യുകയുണ്ടായി. 28-‍ാം തീയതി വ്യാഴാഴ്ച്ച വൈകിട്ട്‌ 3 മണി മുതൽ സാൽമിയാ സെന്റ്‌ മേരീസ്‌…

സ്വർണ്ണ മെഡൽ കരസ്ഥമാക്കി

ഹരിയാനയിൽ വച്ച് നടന്ന ഭാരത് സ്പെഷ്യൽ ഒളിമ്പിക്സിൻ്റെ സൈക്ലിംഗ് നാഷണൽ ചാമ്പ്യൻഷിപ്പിൽ ഒരു കിലോമീറ്റർ വിഭാഗത്തിൽ മത്സരിച്ച കുമാരി അൻസു അന്ന ജോൺ സ്വർണ്ണ മെഡൽ കരസ്ഥമാക്കി.നീർവിളാകം സെന്റ് ഗ്രീഗോറിയോസ് ഇടവക അംഗമായ മുറിയിൽ ശ്രീ. പീറ്റർ ജോണിന്റെയും ശ്രീമതി മിനി ജോണിന്റെയും മകളാണ്. വാർത്ത : ബിജു മെഴുവേലി

പ്രതിമാസ ഓൺലൈൻ ധ്യാനം

ജീവമന്ന ചെങ്ങന്നൂർ ഭദ്രാസന പ്രതിമാസ ഓൺലൈൻ ധ്യാനം 2024 മാർച്ച് 27 ബുധൻ 11am ധ്യാനം നയിക്കുന്നത്ശ്രീമതി റേയ്ച്ചൽ രാജൻ(ചെങ്ങന്നൂർ ഭദ്രാസന ദിവ്യബോധനം, കോ-ഓർഡിനേറ്റർ) വാർത്ത : ബിജു മെഴുവേലി

ജീവകാരുണ്യ പ്രവർത്തനങ്ങൾ

പത്തനാപുരം ഗാന്ധിഭവനിൽ, “നോമ്പിലെ നന്മയുടെ” ഭാഗമായി ശൂരനാട് സെന്റ് മേരീസ് ശാലേം ഓർത്തഡോൿസ്‌ പള്ളി യുവജനപ്രസ്ഥാനത്തിന്റെ നേതൃത്വത്തിൽ ഭക്ഷ്യവസ്തുക്കൾ വിതരണം ചെയ്തു കോട്ടപ്പാടിയിൽ പ്രവർത്തനമാരംഭിക്കാൻ ഒരുങ്ങുന്ന അഭയ ഭവൻ വയോജന കേന്ദ്രത്തിന്റെ നവീകരണ പ്രവർത്തനങ്ങൾക്ക് പഴഞ്ഞി സെന്റ് മേരീസ്‌ ഓർത്തഡോൿസ്‌ കത്തീഡ്രൽ മർത്തമറിയം വനിതാസമാജം സംഭാവന നൽകി.വികാരി റവ. ഫാ. ജോൺ ഐസക് , സഹ വികാരി, ഫാ. ആന്റണി പൗലോസ്, എന്നിവർ ചേർന്ന് അഭയ ഭവനുവേണ്ടി സംഭാവന സ്വീകരിച്ചു. വാർത്ത : ബിജു മെഴുവേലി

ആദ്യയോഗം നടന്നു

ഓർത്തഡോക്സ് സഭ മലങ്കര സഭാ കേസിൽ വിവിധ പള്ളികളുടെ വിധി നടത്തിപ്പിന് വേണ്ടി പരിശുദ്ധ കാതോലിക്ക ബാവാ നിയമിച്ച സമതിയുടെ ആദ്യ യോഗം ദേവലോകം അരമനയിൽ കൂടി.കോട്ടയം ഭദ്രാസനത്തിലെ കേസുകൾ നടത്തിപ്പിനെകുറിച്ചും മണർകാട് പള്ളിയുടെ കേസിനെകുറിച്ചും തൽസ്ഥിതികൾ ചർച്ച ചെയ്യുകയും തുടർനടപടികൾ തീരുമാനിച്ചു.കോട്ടയം ഭദ്രാസന സെക്രട്ടറിയും മണർക്കാട് പള്ളി ഭരണസമതിയും അഭിഭാഷകരും യോഗത്തിൽ പങ്കെടുത്തു.കൊല്ലം,അങ്കമാലി,കണ്ടനാട് ഇസ്റ്റ് ,വെസ്റ്റ് ,തൃശൂർ ഭദ്രാസനങ്ങളിൽ വരും ദിവസങ്ങളിൽ സിറ്റിങ്ങ് നടത്തും. വാർത്ത : ഫാ. ജേക്കബ് കല്ലിച്ചേത്ത്

പ്രകാശനം ചെയ്തു

കോട്ടയം: ഓർത്തഡോക്സ് വൈദിക സെമിനാരി “ദീപ്തി” വാർഷികപ്പതിപ്പ് പ്രസ്ക്ലബ് സ്കൂൾ ഓഫ് ജേർണലിസം ഡയറക്ടറും നോവലിസ്റ്റുമായ തേക്കിൻകാട് ജോസഫ് പ്രകാശനം ചെയ്തു. പഴയസെമിനാരിയിൽ നടന്ന സമ്മേളനത്തിൽ ഫാ. ഡോ. ജോൺ തോമസ് കരിങ്ങാട്ടിൽ അദ്ധ്യക്ഷത വഹിച്ചു.അഭി.സഖറിയാസ് മാർ സേവേറിയോസ് അനുഗ്രഹ പ്രഭാഷണം നടത്തി.എസിറ്റർ മാമ്മൻ ജോസഫ് നന്ദി പ്രകാശിപ്പിച്ചു. ഫാ. ഡോ. ഷാജി പി. ജോൺ, പഴയ സെമിനാരി മാനേജർ ഫാ ജോബിൻ വർഗീസ്, ഫാ. സി.സി ചെറിയാൻ എന്നിവർ നേതൃത്വം നൽകി. വാർത്ത : ബിജു മെഴുവേലി

കോട്ടയത്ത് താമസിച്ചു പഠിക്കുവാന്‍ അവസരം

മലങ്കര ഓർത്തോഡോക്സ് സഭയുടെ കീഴിൽ ഭാഗ്യസ്മരാണര്‍ഹനായ മലങ്കര സഭാരത്നം ഡോ. ഗീവറുഗ്ഗീസ് മാര്‍ ഒസ്താത്തിയോസ് തീരുമനസിനാല്‍ ആരംഭിച്ചതും പുതുപ്പാടി, സെന്‍റ് പോള്‍സ് ആശ്രമത്തിന്‍റെ ബ്രാഞ്ച് ഭവനവുമായ കോട്ടയം തിരുവാതുക്കലില്‍ സ്ഥാപിതമായിരിക്കുന്ന സെന്‍റ് പോള്‍സ് ആശ്രമത്തില്‍ സൌജന്യമായി താമസിച്ചുകൊണ്ട് ഉന്നത പഠനം (plus two, degree, PG, etc.) നടത്തുവാന്‍ അവസരം നല്‍കുന്നു. സാമ്പത്തിക പ്രയാസത്താലോ, മറ്റ് കാരണങ്ങളാലോ പ്രയാസപ്പെടുന്ന ഏറ്റവും അര്‍ഹരായ വിദ്യാര്‍ത്ഥികള്‍ക്ക് മാത്രം അവസരം നല്‍കുന്നു. താല്പര്യമുള്ളവര്‍ മാനേജര്‍, ഫാ. ജോണ്‍ വി. ഡേവിഡുമായി (+91 85900 39809) ബന്ധപ്പെടുക. വാർത്ത : ജോബിൻ ജോസഫ്