പരുമല: സഹപാഠികളോടു മത്സരിക്കാതെ നമ്മോടു തന്നെ മത്സരിച്ച് ലക്ഷ്യത്തിലെത്തുന്നതാണ് വിദ്യാഭ്യാസമെന്ന് കാലടി സംസ്കൃത സർവകലാശാല പ്രോ– വൈസ് ചാൻസലർ പ്രഫ. കെ.എസ്.രവികുമാർ . പരുമല പെരുന്നാളിനോടനുബന്ധിച്ചു നടന്ന എംജിഒസിഎസ്എം സമ്മേളനത്തിൽ പ്രഭാഷണം നടത്തുകയായിരുന്നു അദ്ദേഹം. മുനഷ്യന്റെ തലച്ചേറിനെ അളക്കുവാൻ ഒരു ശാസ്ത്രത്തിനും കഴിഞ്ഞിട്ടില്ല. ഉള്ള കഴിവിന്റെ ചെറിയൊരു തോതു പോലും പ്രയോജനപ്പെടുത്തുവാൻ പലർക്കും കഴിയുന്നുമില്ല. നിശ്ച ദാർഡ്യവും പരിശ്രമവും ഉണ്ടെങ്കിൽ എതു വെല്ലുവിളിയേയും അതിജീവിക്കാൻ കഴിയുമെന്നും രവികുമാർ പറഞ്ഞു. ചെറുപ്പത്തിൽ കുടുംബങ്ങളിൽ നിന്നു ലഭിക്കുന്ന അത്മീയ അന്തരീക്ഷണാണ് സമൂഹത്തിൽ നന്മയും മൂല്യവും നിലനിൽക്കുന്നതിന് സഹായിക്കുന്നതെന്നും സമ്മേളനം ഉദ്ഘാടനം ചെയ്ത കാതോലിക്കാ ബാവാ പറഞ്ഞു. ഡോ. യൂഹാനോൻ മാർ ക്രിസോസ്റ്റമോസ് അധ്യക്ഷത വഹിച്ചു. സഭാ വൈദിക ട്രസ്റ്റി ഫാ. ഡോ. എം.ഒ. ജോൺ എംജിഒസിഎസ്എം ജനറൽ സെക്രട്ടറി ഫാ. ജീസൻ പി. വിത്സൺ, സീനിയർ വൈസ് പ്രസിഡന്റുമാരായ ഡോ. ഐസക് പാമ്പാടി, ഡോ. വർഗീസ് പേരയിൽ, സ്റ്റുഡൻസ് വൈസ് പ്രസിഡന്റ് സിംജോ സാമുവൽ സഖറിയ, ഡോ.സിജി റേച്ചൽ ജോർജ് എന്നിവർ പ്രസംഗിച്ചു. മെറിറ്റ് അവാർഡുകളും കലാകായിക മത്സരങ്ങളിലെ വിജയികൾക്ക് ട്രോഫികളും സമ്മാനിച്ചു. രാവിലെ നടന്ന മൂന്നിൻമേൽ കുർബാനയ്ക്ക് പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ മുഖ്യ കാർമികത്വം വഹിച്ചു. തുടർന്ന് ശ്ലൈഹിക വാഴ്വും ശ്രാദ്ധ സദ്യയും നടന്നു. സാമാപന റാസയ്ക്ക് സഭാ വൈദിക ട്രസ്റ്റി ഫാ. ഡോ. എം.ഒ. ജോൺ, അസോസിയേഷൻ സെക്രട്ടറി ബിജു ഉമ്മൻ, സെമിനാരി മാനേജർ ഫാ.എം.സി.കുര്യാക്കോസ് എന്നിവർ നേതൃത്വം നൽകി. ഡോ. യൂഹാനോൻ മാർ ക്രിസോസ്റ്റമോസ് കൊടിയിറക്കി. ഇന്നലെ പുലർച്ചെ മുതൽ എത്തിയ തീർഥാടകർ പെരുന്നാൾ സമാപിച്ച ശേഷമാണ് മടങ്ങിയത്.
അടൂർ കരുവാറ്റ സെൻ്റ് മേരീസ് ഓർത്തഡോക്സ് ഇടവകയിലെ സെൻ്റ് ജോർജ്ജസ് യുവജന പ്രസ്ഥാനത്തിന്റെ ആഭിമുഖ്യത്തിൽ നടത്തപ്പെട്ട പുസ്തകോത്സവം 2024 ഉദ്ഘാടനം. കുവൈറ്റ്...