പരുമല സെമിനാരിയിലെ നവീകരിച്ച ഓഫീസ് മന്ദിരത്തിന്റെ കൂദാശ പരിശുദ്ധ ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവ നിര്വഹിച്ചു. അഭി. ഏബ്രഹാം മാര് എപ്പിഫാനിയോസ്, അഭി.ഡോ.മാത്യൂസ് മാര് തിമോത്തിയോസ്, അഭി. യൂഹാനോന് മാര് പോളിക്കാര്പ്പോസ്, അഭി. ഡോ.ജോഷ്വാ മാര് നിക്കോദിമോസ് എന്നീ മെത്രാപ്പോലീത്തമാരും പരുമല സെമിനാരി കൗണ്സില് അംഗങ്ങള്, നിരണം ഭദ്രാസന സെക്രട്ടറി ഫാ.അലക്സാണ്ടര് ഏബ്രഹാം, പരുമല ആശുപത്രി സി.ഇ.ഒ. ഫാ. എം.സി. പൗലോസ്, പരുമല സെമിനാരി മാനേജര് വന്ദ്യ കെ.വി.പോള് റമ്പാന്, അസി. മാനേജര്മാരായ ഫാ. ജെ.മാത്തുക്കുട്ടി, ഫാ.എല്ദോസ് ഏലിയാസ് എന്നിവരും ചടങ്ങില് സംബന്ധിച്ചു. എഞ്ചിനീയര് ശ്രീ. വര്ക്കി ജോണിന്് പരി.ബാവാ തിരുമേനി ഉപഹാരം സമര്പ്പിച്ചു. പരുമല സെമിനാരി യുവജനപ്രസ്ഥാനത്തിന്റെ ജീവകാരുണ്യ പ്രവര്ത്തനങ്ങളുടെ ഭാഗമായി രോഗികള്ക്കുള്ള ചികിത്സാ സഹായ വിതരണവും ഇതോടനുബന്ധിച്ച് നടന്നു.
വാർത്ത : റാണാ ജേക്കബ്