ന്യൂഡൽഹി : മുൻ പ്രധാനമന്ത്രി മൻമോഹൻ സിംഗ് അന്തരിച്ചു. പരിശുദ്ധ ബസ്സേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവാ തിരുമേനിയുടെ അനുശോചന സന്ദേശം:“ഇന്ത്യയുടെ സാമ്പത്തിക അടിത്തറ സുദൃഢമാക്കുവാൻ വിവേകപൂർവ്വമായ പരിഷ്കാരങ്ങൾ നടപ്പിലാക്കിയ ശ്രേഷ്ഠ വ്യക്തിത്വമാണ് ഡോ. മൻമോഹൻ സിംഗിന്റേത്.ജനാധിപത്യത്തിൽ ജനങ്ങളാണ് പ്രാധാന്യമുള്ളവർ എന്ന ബോധത്തിൽ വിനയപൂർവം അർത്ഥഗർഭമായ മൗനത്തോടെ ഉത്തമ ഭരണകർത്താവായി അദ്ദേഹം തന്റെ നിയോഗങ്ങൾ പൂർത്തീകരിച്ചു. രാഷ്ട്രീയ നേതാവ് എന്ന നിലയിലല്ല ഇന്ത്യ ഡോ. മൻമോഹൻ സിംഗിന്റെ വ്യക്തിത്വത്തെ തിരിച്ചറിഞ്ഞിട്ടുള്ളത്. ധിഷണാ ശാലിയായ ഭരണ തന്ത്രഞ്ജൻ എന്ന നിലയിൽ തന്നെയാണ്. ചരിത്രം എന്നെ കരുണയോടെ തന്നെ അടയാളപ്പെടുത്തും എന്ന് ഉറച്ച ബോധത്തോടെ പറയുവാൻ അദ്ദേഹത്തിന് ധൈര്യം ലഭിച്ചത് പിന്നിട്ട വഴികളിലെ ധാർമിക ബലം തന്നെയാണ്.മൗനപൂർവം മനസുകൾ കീഴടക്കിയ മഹാപുരുഷന് ആദരവോടെ പ്രണാമം!” വാർത്ത : ഷൈനി തോമസ്
മൻമോഹൻ സിംഗ് അന്തരിച്ചു
